| Рэгіянальныя ж акцыі пратэсту адбываліся ў нязменным фармаце. Абласныя і раённыя цэнтры працягваюць выказваць нябачаную дагэтуль актыўнасць. Найбольш людзей сёння сабралі Берасце, Наваполацк, Горадня і Магілёў. Там лік пратэстоўцаў ішоў на сотні. Больш за ўсё затрыманых -- у Бабруйску. З 60 удзельнікаў там затрымалі 22 чалавекі. Затрыманні адбыліся таксама ў Горадні, Баранавічах, Маладзечна і Магілёве. Удзел у магілёўскай акцыі ўзялі каля 150 чалавек. Людзі стаялі і пляскалі ў ладкі вакол сквера і плошчы Леніна, якія яшчэ да пачатку акцыі былі ачэпленыя. Праз 20 хвілінаў пасля пачатку да скверу пад'ехаў аўтобус з супрацоўнікамі міліцыі, якія затрымалі 8 чалавек. Вольга Жарнасек, «Аб'ектыў» |
