| Праз такія акцыі салідарнасці, як Стоп-бензін і Рэвалюцыя праз сацыяльную сетку, абдываецца „самаарганізацыя людзей, і па крысе фармуецца грамадзянская супольнасць", лічыць філосаф. Без такой супольнасці немагчыма паўплываць на ўладу. „Калі існуе грамадзянская супольнасць, і яна арганізавана і можа выстаўляць свае правы, тады ўладзе рана ці позна давядзецца прыслухоўвацца", - падкрэслівае філосаф Валянцін Акудовіч. „Трэба была б ужо вылазіць з гэтай засады ў стагоддзях, - кажа суразмоўца. - Ёсць у беларусаў такая рыса характару - дзе страх, дзе небяспека адразу хавацца, у бульбачку". Тым не менш, Валянцін Акудовіч не з'яўляецца прыхільнікам таго, „каб народ выбухнуў". Паводле яго словаў, гэта будзе толькі знакам з боку людзей аб незадаволеннасці ўладай, але значна нічога не зменіць. Тым больш, што "наша ўлада, рэпрэсіўная наскрозь, яна класна умее гэтыя пажары тушыць". Калі нешта будзе адбывацца, важна, каб гэта было як падчас згаданых акцыяў - "культурна, цывілізавана, каб гэта быў пратэст, але пратэст інтэлігенцкі, пратэст сапраўды па-беларуску..." Учора, 8 чэрвеня, ў Беларусі адбыліся „маўклівыя рэвалюцыі". На акцыю салідарнасці, якая была арганізавана праз сацыяльную сетку „ВКонтакте" на Кастрычніцкую плошчу ў Менску выйшлі каля 400 чалавек. „Не трэба ніякіх сцягаў, транспарантаў, не трэба ніякай сімволікі. Проста гуляйце, стойце, знаходзьцеся на плошчы", — прапаноўвалася грамадзянам. Ініцыятары заявілі, што акцыя будзе штотыднёвай: „Калі на плошчы будуць тысячы ... |
